1-كلب من زمان
محشش راح لدكتور قال له: دكتور أنا عندي إحساس أني كلب. قال له الدكتور: لا يا أخي أنت أنسان!!نكت محششين
قال المحشش: لا والله يا دكتور، دايما أحس أني كلب!! قاله: طيب من متى تعاني من هذه الحالة؟ قال له:من يوم كنت جرو صغير.
2- الكبريت
جماعة مساطيل قاعدين فى غرفة لها بابين طلبوا كبريت ، واحد راح يجيب ، دخل من الباب التانى ، سألهم معاكم كبريت ؟
قالوا له استنى بعتنا واحد يجيب وزمانه راجع
3- خليهم هم جايين
اتنين مساطيل قاعدين يحششوا قدام المراية ، شافوا نفسهم فى المراية ، واحد قال للتانى فيه اتنين هناك تيجى نروح لهم
قاموا وقفوا بصوا فى المراية قال طيب خلينا هما جايين
4-اليوم
مسطول بيسأل صاحبه هوه النهاردة السبت ولا الأحد
قال له الاتنين
رد قال له ياااااااااااه اول مرة ييجوا مع بعض
5- أسد
مسطول قاعد مع صحابه قال لهم مش أنا طلع لى أسد امبارح
قالوا له وعملت ايه
قال لهم رميته بكوباية مية فى ايدى
رد واحد تانى قال لهم صح
أنا قابلنى نفس الأسد باضربه بالقلم لقيت وشه مبلول
6- عندي معاد
مسطول قاعد مع صحابه متضايق ، واحد بيسأله مالك ؟
قاله شكلى اتسطلت مش عارف انا عندى معاد مع واحدة الساعة اتنين ولا معاد مع اتنين الساعة واحدة
7-ريال مدريد
مسطول قاعد يتفرج على ماتش لريال مدريد سمع المعلق يقول فاول لصالح رونالدو قال : ياااااااااااااه أول مرة اعرف ان اسمه صالح
8-السوق
مسطول سواق تاكسى واحدة قالت له عايزة اروح السوق , قال لها روحى بس اوعى تتأخرى
9-شكرا
مسطول اتصل بشركة طيران يسألهم كم تستغرق الرحلة من القاهرة لجدة ؟
رد الموظف لحظة واحدة
قال له شكرا وقفل السماعة
10-شوف التقدم
مسطول بيقولوا له تصور فى الصين عندهم مولود كل دقيقة ، قال لهم صح هوه ده التقدم , مش احنا كل 9 شهور